ხდკ-ები

კლინიკური კვლევა არის სამედიცინო კვლევა, რომელიც ადამიანებზე ტარდება. პოტენციური ახალი სამკურნალო საშუალება ან მოწყობილობა მხოლოდ მას შემდეგ შედის კლინიკურ კვლევაში, რაც მეცნიერები შეამოწმებენ ლაბორატორიაში. კლინიკური კვლევების საშუალებით მეცნიერები ყურადღებით ამოწმებენ და აგროვებენ მონაცემებს პოტენციური მკურნალობის შესახებ. კლინიკური კვლევა გვეხმარება შევიტყოთ, თუ რა მექანიზმით მუშაობს საკვლევი მკურნალობა ადამიანის ორგანიზმში. კლინიკური კვლევები მარეგულირებელი სააგენტოს მიერ უნდა იყოს შემოწმებული. შეერთებულ შტატებში, ესაა საკვებისა და წამლების ადმინისტრაცია (FDA). ევროპაში, ესაა ევროპის წამლის სააგენტო (EMA). სააგენტოები რეგიონის მიხედვით განსხვავდება. ისინი წყვეტენ, დამტკიცდეს თუ არა საკვლევი მკურნალობა, რომ შემდგომ ექიმებმა შეძლონ მათი გამოწერა.

პირველი ნაბიჯი შესასწავლი ახალი საკვლევი პრეპარატის აღმოჩენა და განვითარებაა. ამის შემდეგ, კლინიკური კვლევები აჩვენებს რამდენად უსაფრთხო და ეფექტურია პრეპარატი, ასევე გვაწვდის ინფორმაციას გვერდითი ეფექტების შესახებ. ზოგჯერ, მკვლევრები პოტენციურ პრეპარატს პლაცებოსთან ადარებენ. პლაცებო გამოიყურება ისე, როგორც პოტენციური სამკურნალო საშუალება და მისი შეყვანაც ხდება იდენტური გზით, მაგრამ მას არ აქვს აქტიური ინგრედიენტები. პოტენციური მკურნალობა შესაძლოა ასევე შედარდეს სტანდარტულ მკურნალობასთან, რომელიც უკვე დამტკიცებულია და გამოიყენება მკურნალობისათვის. თუ ხელმისაწვდომია, ისინი ადარებენ მას მიმდინარე მკურნალობებს, რითაც ადგენენ, არის თუ არა პოტენციური მკურნალობა არსებულ მკურნალობაზე უკეთესი.

კვლევის შესახებ მეტი ინფორმაციის მისაღებად, ეწვიეთ FERVENT-1-ის შესახებ განყოფილებას .

შესაბამისობის დასადგენად, გაიარეთ ჩვენი გამოკითხვა, რომელიც წარმოდგენილია სექციაში შემიძლია მონაწილეობის მიღება? .

მოსალოდნელია, რომ მსოფლიოს მასშტაბით, დაახლოებით 95 ადამიანი მიიღებს მონაწილეობას. თქვენი უახლოესი კვლევითი ცენტრის მოსაძებნად, გთხოვთ, ეწვიოთ ჩვენს ცენტრის მაძიებელს.

FERVENT-1 კვლევაში მონაწილეობის მიღების არჩევის შემთხვევაში, გთხოვენ, რომ დაესწროთ კვლევის ყველა ვიზიტს და კვლევით გუნდს აცნობოთ თქვენი საკონტაქტო ინფორმაცია და შეატყობინოთ, თუ რა მიმდინარე პრეპარატებს ღებულობთ. FERVENT-1 კვლევაში მონაწილეობასთან დაკავშირებული კიდევ არაერთი პასუხისმგებლობა არსებობს, რომელთა შესახებაც შეიტყობთ მას შემდეგ, რაც გადაწყვეტთ მონაწილეობის მიღებას. გთხოვთ, კვლევით ჯგუფს გაუზიაროთ ნებისმიერი შეკითხვა ან შეშფოთება, რომელიც შეიძლება დაგებადოთ.

თქვენი მონაწილეობა შესაძლოა დაახლოებით წელიწადნახევარს გაგრძელდეს22-მდე კვლევის ვიზიტით.

სტანდარტული სამედიცინო დახმარების გარდა, შეგიძლიათ ისარგებლოთ ჯანმრთელობის დამატებითი გამოკვლევებით. ასევე დაგვეხმარებით, გავაფართოოთ ჩვენი სამედიცინო ცოდნა ტრანსფუზიისგან დამოუკიდებელი ბეტა თალასემიის შესახებ, რამაც შესაძლოა მომავალში ამ დაავადების მქონე სხვა პირებსაც მოუტანოს სარგებელი.

ინფორმირებული თანხმობის ფორმაში ყველა ცნობილი რისკია წარმოდგენილი. კლინიკური კვლევის დაწყებამდე თქვენ ხელი უნდა მოაწეროთ აღნიშნულ დოკუმენტს. მასზე ხელმოწერა გულისხმობს იმას, რომ თქვენ თანხმდებით ამ კვლევაში მონაწილეობის მიღებაზე. კვლევის პერსონალი გაგიზიარებთ კვლევის გრაფიკსა და დიზაინს. დასვით კითხვები, რათა შემდეგ ეტაპებზე კომფორტულად იგრძნოთ თავი.

კლინიკური კვლევები 100%-ით მოხალისეობრივია. შეწყვეტა ნებისმიერ დროს შეგიძლიათ.

კვლევა მსოფლიოს მასშტაბით რამდენიმე ქვეყანაში მიმდინარეობს. თქვენი უახლოესი კვლევითი ცენტრის მოსაძებნად, ეწვიეთ ჩვენს ცენტრის მაძიებელს.